ئەمڕۆ بیستەمین کۆنگرەی حیزبی شیوعیی چین بەشداری زیاتر لە دوو هەزار نوێنەری حیزبەکە لە پەکینی پایتەخت دەستپێدەکات.
ئەمڕۆ یەکشەممە کۆنگرەی بیستەمی حیزبی شیوعیی چینی دەسەڵاتدار بە وتەی دەستپێکی شی جینگ بینگ دەستپێدەکات و پێشبینی دەکرێت بۆ ماوەی پێنج ساڵی دیکە دەسەڵاتەکانی درێژبکاتەوە.
کۆنگرەکەی ئەمڕۆی حیزبی شیوعیی چین بە بەشداری دوو هەزار و 300 کەس بەڕێوەدەچێت کە نوێنەرایەتی 96 ملیۆن ئەندامی حیزبەکە دەکەن لە سەرانسەری وڵاتەکەدا.
کۆنگەکە ماوەی چوار ڕۆژ دەخایەنێت و بڕیارە لەو ماوەیەدا گوێگرتن لە ڕاپۆرتی چەند لیژنەیەک و هەڵبژاردنی لیژنەی نوێ و پەسەندکردنی هەمواری دەستووری حیزبەکە بەڕێوەبچێت.
