پزیشكێكی پسپۆر ئەو كاتانە ئاشكرادەكات كە تیایدا خواردنەوەی قاوە زیان بە جەستە دەگەیەنێت.
دكتۆرە ئۆكسانا میخایلۆڤا، پزیشكی پسپۆری بواری رژێنەكان دەڵێت، باشترە قاوە نەخورێتەوە لە كاتی سەرئێشە، گێژبوون و هێڵنجدان، بەهۆی ئەوەی دەبێتە هۆی بەرزبوونەوەی فشاری خوێن و زیادبوونی ژمارەی لێدانەكانی دڵ و وروژاندنی كۆئەندامی دەمار.
ئەو دەڵێت، “ئەگەر نیشانەكانی وەك سەرئێشە، گێژبوون و هێڵنجدان پەیوەندی بە بەرزبوونەوەی فشاری خوێنەوە بێت، خواردنەوەی كافایین لەم بارودۆخانەدا رەنگە مەترسیدار بێت، چونكە دەبێتە هۆی زیاتر بەرزبوونەوەی فشاری خوێن و لێكەوتەكانی دیكەی پەیوەست پێوەی”.
ئەو پسپۆڕە دووپاتیشیدەكاتەوە، دەشێت كافایینەكە ببێتە هۆی كەڵەكەبوونی دۆخی دژواری دەمارەكان، دوودڵی و تێكچوونی خەو. سەرەڕای ئەوەش خواردنەوەی قاوە باش نییە لە دۆخی ناڕێكی لێدانی دڵ و زیاد لێدانی. ئەگەریشی هەیە كاریگەریی دەرمانە بەكارهێنراوەكان كەمبكاتەوە.
