ئەندرێ ئانێلی سەرۆکی یانەى یۆڤانتۆس جەختی لەوە کردەوە کە بەرپرسیارێتییەکە بەتەنها ناچێتە ژێر شانی ئالێگری ڕاهێنەر.
جارێکی تر یۆڤانتۆس توشی شکست بوو، ئەمجارە بە دوو گۆڵی بێ بەرامبەر بە ماکابی هەیفا دۆڕا لە خولی یانە پاڵەوانەکانی ئەوروپا.
ئانێلی سەرۆکی یۆڤانتۆس جەختی کردەوە لەوەى ماسیمۆ ئالێگری لە پۆستی ڕاهێنەرایەتیدا دەمێنێتەوە.
وتیشی: شکستەکانمان ناچێتە سەر شانی ئالێگری ڕاهێنەر و نابێت بەتەنها ئەو ببێتە قوربانی.
سەرۆکی یۆڤانتۆس شەرم دەکات لەو دۆخەى یانەى یۆڤانتۆس تێی کەوتووە و هیواى خواست زوو لێی بچنە دەرەوە.
