بەڕێوەبەرایەتیی پەروەردەی هەولێر ڕایدەگەیەنێت، خوێندنگەی كۆبانێ لە سنووری پەروەردەی هەولێر لە كاتی وەرگرتنی مووچەدا نۆ ملیۆن دیناری زیادەیان وەرگرتبوو گەڕاندیانەوە.
بەپێی ڕاگەیەندراوێكی بەڕێوەبەرایەتیی پەروەردەی هەولێر كە وێنەیەكی دەست تۆڕی میدیایی ئێستا كەوتووە و تێیدا هاتووە، “بە ناوی مامۆستا دلێر عەبدوڵڵا حەسەن بەرێوەبەری پەروەردەی ناوەندی هەولێر سوپاس و پێزانی خۆمان ئاراستەی بەڕێوەبەر و لیژنەی دابەشكردنی مووچەی مامۆستایانی خوێندنگەی كۆبانی لە سنووری پەروەردەكەمان دەكەین بەرامبەر بەو دڵسۆزییەی ئەمڕۆ لە كاتی وەرگرتن و دابەشكردنی مووچەی مانگی نۆدا كردييان كە بڕی نۆ ملیۆن دینار زیاد وەرگرتبوو گەڕاندیانەوە”.
