وەزیری دەرەوەی ڕوسیا لەبارەی هێرشەکانی ئەمریکا بۆسەر چەکدارەکانی نزیک لە ئێران لە خاکی سوریادا ڕایگەیاند، ئەوە پێشێلکردنی سەروەری وڵاتی سوریایە.
سێرگی لاڤرۆڤ، وەزیری دەرەوەی ڕوسیا ئەمڕۆ 26 ی شوبات ڕایگەیاند، “ئەمریکا چەند خولەکێک پێش هێرشەکە ئێمەی ئاگادار کردووەتەوە کە هێرش ئەنجام دەدات”.
لاڤرۆڤ وتیشی، “ڕوسیا دەیەوێت پەیوەندییەکی نوێ لەگەڵ ئەمریکا دروستبکات لەسەر ئاستی هەردوو وڵات و ڕۆژهەڵاتی ناوەڕاست، بەڵام ئەم هەڵسوکەوتانەی ئەمریکا دەبێتەهۆی خراپترکردنی دۆخی سوریا و ناوچەکە”.
شەوی ڕابردوو ئەمریکا جەند هێرشێکی کردەسەر بنکەکانی کەتائیبی “حزبوڵا” و “سەید الشهداء” و بەپێی ئامارەکانی ڕوانگەی سوری بۆ مافەکانی مرۆڤ نزیکەی 30 چەکدار کوژراون.
