وەزارەتی كارەبای هەرێم ڕایدەگەیەنێت، سیستمی پریپەید بۆ 24 کاتژمێرکردنی کارەبا بەردەوامە و دەڵێت، سیستمەكە بارگرانی سەر فیدەرەکانی کارەبا بە رێژەی 400% کەمدەکاتەوە.
وەزارەتی كارەبای هەرێم ڕایگەیاند، پڕۆژەی پریپەید بۆ 24 کاتژمێرکردنی کارەبا بەردەوامە، ئەو هاوبەشانەی لە بازاڕی لەنگەی هەولێر، بازاڕی دهۆک و ئەڤرۆسیتی لە دهۆک کراونەتە سیستمی پریپەید 24 کاتژمێر کارەبایان هەیە.
ڕوونیشیكردەوە، لە هەرێمی کوردستان 6356 هاوبەشی کارەبا بە سیستمی پریپەیدەوە بەستراون و ئەکتیڤ کراون (بازاڕی لەنگەی هەولێر 1457 هاوبەش، بازاڕی دهۆک 1524 هاوبەش و ئەڤرۆستی لە دهۆک 3385 هاوبەش).
وەزارەتەكە ئاماژەی بەوەشكرد، ئەم سیستمە سەرەڕای باشترکردنی دۆخی کارەبا، بارگرانی سەر فیدەرەکانی کارەبا بە رێژەی 400% کەمدەکاتەوە و کرێی کارەباکەشی بە هەمان نرخی ئێستای کارەبایە.
