سەرۆكی یەكێتی هاوخەمی بۆ گیانلەدەستدا و برینداربوونی ژمارەیەك خوێندكار و مامۆستا لە رووداوەكەی گەرمیان دەردەبرێت.
بافڵ جەلال تاڵەبانی، سەرۆكی یەكێتیی نیشتمانیی كوردستان لە پەیامێكدا رایگەیاند، گیانلەدەستدان و برینداربوونی ژمارەیەك خوێندكار و مامۆستا لە رووداوە نەخوازراوەكەی رێگەی كەلار-كفری، لە دڵەوە نیگەرانیكردین.
وتیشی، “دڵمان لەگەڵ گەرمیانییە سەربەرزەكان و خانەوادەی قوربانییان و بریندارانە، كوردستان ژمارەیەك خوێندكاری بەهرەمەند و چرای ئێستا و دواڕۆژی لەدەستدا”.
سەرۆكی یەكێتی ئاماژەی بەوەشكرد، هاوبەشی ئەم خەمە گەورەیەین و لە خوای گەورە داواكارین سەبووری بە هەموولایەك ببەخشێت و شیفای برینداران بدات.
