بەهۆی پێکدادانی ئۆتۆمبێلێک و ماتۆڕسکیلێک لەسەر پردی نێوان گردەگۆزینە بۆ ساڵەح ئاغا، دوو کەس برینداربوون رەوانەی نەخۆشخانە کران.
بەڕێوەبەرایەتیی هاتوچۆی گەرمیان بڵاویکردەوە، ئێوارەی ئەمڕۆ چوارشەممە، ئۆتۆمبێلێکی جۆری جێب واز و ماتۆڕسکیلێکی دووتایە، لەسەر پردی نێوان گردەگۆزینە و ساڵەح ئاغا پێکیاندادا، کە هەردووکیان بە ئاڕاستەی ساڵەح ئاغا رۆیشتوون، بەهۆی رووداوەکەوە ئۆتۆمبێلەکە و ماتۆڕسکیلەکە لە پردەکەوە کەوتونەتەخوارەوە، شۆفێری ماتۆڕسکیلەکە و شۆفێری جێب وازەکە برینداربوون و رەوانەی نەخۆشخانەی فریاکەوتنی شەهید هەژار کران.
ئەوەشی خستەڕوو، هەردوو بریندارەکە لەدایکبووی ساڵی 2006 و 2009ن، لێکۆڵینەوە لە شێواز و هۆکاری رووداوەکە، لەلایەن تیمی هاتوچۆوە دەستیپێکردوە.
