ئەمڕۆ لە سنووری گوندی بێستانسوور چوار کەس لەکاتی هەڵکەندنی بیر دەستگیرکران و دەستیش بە سەر ئامێرێکی بیرهەڵکەندا گیرا.
بەڕێوەبەرایەتیی پۆلیسی دارستان و ژینگەی سلێمانی ئەمڕۆ یەکشەممە بڵاویکردەوە، “دوای ئەوەی زانیاریمان پێگەیشت لە سنووری (گوندی بێستانسوور) لە لایەن چەند هاوڵاتیەكەوە بەشێوەیەکی نایاسایی بیر لێدەدرێت ، مەفرەزەیەكی بنکەی پۆلیسی دارستان و ژینگەی تانجەرۆ دەرچوون بۆ شوێنەکە لە ئەنجامدا چوار هاووڵاتی دەستگیرکران”.
ئاشکراشیکرد، “توانیومانە دەستبگرین بەسەر ئامێرێکی بیرهەڵکەندنی بەرینەدا”.
ئاماژەی بەوەشکرد، “پەڕاوی لێکۆڵینەوە ڕێکخراوە و ڕادەستی دادوەر کراوە بۆ وەرگرتنی ڕێکاری یاسایی لە دژیان”.
