رێباز حەملان، بریكاری پێشووی وەزارەتی دارایی عێراق دەڵێت، “هیوادارین ئەم هەفتەیە مووچەی مانگی چوار دابەشبكرێت و چۆن عێراق مووچەی مانگی پێنج پێش جەژن دابەشدەكات پێویستە بۆ هەرێمی كوردستانی بنێرێت”.
راشیگەیاند، حكومەتی هەرێم بەپێی تەرازووی پێداچوونەوە مانگانە 50%ی داهاتی ناوخۆی رادەستی عێراق كردووە و پابەندی رادەستكردنی ئەو بڕە داهاتە بووە.
وتیشی، “نەناردنی مووچە بۆ هەرێم پرسێكی سیاسییە و مووچەی مووچەخۆرانی عێراق دابەشكراوە و لە لقی هەولێری بانكی ناوەندیی عێراق پارەی پێویست لەبەردەستدایە و دەتوانرێت دوو مووچە بدرێت”.
