ئەمڕۆ پەرلەمانی کوردستان لەبارەی درێژکردنی ماوەی تەمەنی خۆی کۆدەبێتەوە، پڕۆژە یاساکە پێشکەش بە سەرۆکایەتیی پەرلەمان کراوە و بەپێی ئەوەی زۆرینەی پەرلەمانتاران لەگەڵیدان بۆیە ئەگەری پەسەندکردنی زۆرە.
لە 6ی تشرینی دووەمدا ماوەی یاسایی پەرلەمانی کوردستان کۆتایی دێت و پەرلەمان دەکەوێتە بۆشایی یاساییەوە، بۆ ئەو مەبەستە 87 پەرلەمانتار پڕۆژەیاسایەکیان داوەتە سەرۆکایەتیی پەرلەمان کە داوای درێژکردنەوەی تەمەنی پەرلەمان دەکات.
ئەمڕۆ خوێندنەوەی یەکەم بۆ پڕۆژەیاساکە دەکرێت، زۆرینە لەگەڵ پڕۆژە یاساکەدان، پێشتر ئەو پەرلەمانتارانەی پڕۆژە یاساکەیان پێشکەشکردووە ژمارەیان 87 پەرلەمانتاربوون بۆیە بە ئەگەری زۆر و بەپێی ئەو سەرچاوانەی زانیارییان بە تۆڕی میدیایی ئێستا داوە، “پڕۆژە یاساکە پەسەند دەکرێت”.
بڕیارە لە کاتژمێر 11:00ی پێشنیوەڕۆی ئەمڕۆ پەرلەمانی کوردستان بۆ خوێندنەوەی یەکەم بۆ پڕۆژەیاساکە کۆببێتەوە.
