قائیمقامی قەزای پێنجوێن ڕایدەگەیەنێت، بە فڕۆكەی بێفڕۆكەوان بۆردومانی سنووری قەزاكانی پێنجوێن و شارباژێر كراون.
زانا ڕەحمان قائیمقامی قەزای پێنجوێن لە لێدوانێكدا بە تۆڕی میدیایی ئێستای ڕاگەیاند، كەمێك پێش ئێستا بە فڕۆكەی بێفڕۆكەوان بۆردومانی سنووری گوندەكانی، زەردكاوە، خۆشكەوە، بەیانە لە سنووری قەزای پێنجوێن و ڕەنێنە بە دیوی قەزای شارباژێر كراون.
ئاماژەی بۆ ئەوەشكرد، بۆردومانەكە لە دەرەوەی سنووری گوندەكان بووە زیانی گیانی نەبووە و فڕۆكە بێفڕۆكەوانەكانيش سەر بە توركیا بوون.
