نیوەڕۆی ئەمڕۆ لەنزیک خوێندنگەیەک لەشاری سلێمانی ئۆتۆمبێل دوو خوێندکاری کرد بە ژێرەوە و یەکێکیان گیانی لەدەستدا.
سامان شێخ لەتیف وتەبێژی بەڕێوەبەرایەتی تەندروستی سلێمانی بە تۆڕی میدیایی ئێستای ڕاگەیاند، “نیوەڕۆی ئەمڕۆ لەگەڕەکی شەکرەکە و لەناو خوێندنگەی جەمالی حاجی عەلی ئۆتۆمبێلێک دوو خوێندکاری کردووە بە ژێرەوە، لەئەنجامدا یەکێک لە خوێندکارەکان گیانی لەدەستداوە و ئەوی دیکەش برینداربووە و گەیەندراوەتە نەخۆشخانە”.
هاوکات، سامان نادر لێپرسراوی سەنتەری فریاکەوتنی سلێمانی ئاشکرایکرد،”ئەو خوێندکارەی گیانی لەدەستداوە تەمەنی 14 ساڵە، بریندارەکەش برینەکەی سەختە”.
