تیپی خانمانی ئەمریکا ناسناوی پاڵەوانێتی جیهانی باسکەی بەدەستهێنا، دوای ئەوەی لە یاریی کۆتاییدا بەسەر هەڵبژاردەی چین-دا سەرکەوت.
بۆ جاری چوارەم لەسەریەک، تیمی باسکەی خانمانی ئەمریکا ناسناوی پاڵەوانی جیهانی بۆ یاریی باسکە دەستەبەرکرد، دوای ئەوەی لە یاریی کۆتاییدا بە ئەنجامی (83-61) واتە بە جیاوازی 22 خاڵ لە تیمی کچانی چینی بردەوە.
خانمانی ئەمریکا لە چارەکی یەکەمی یارییەکەوە باڵادەستییان نیشاندا، تەنانەت لە نیوەی یەکەمدا بە ئەنجامی (43-33) واتە جیاوازی 10 خاڵ پێش ڕکابەرەکەیان کەوتن، لە چارەکی سێیەمیشدا 11 خاڵ جیاوازی دیکەیان خستەسەر ئەنجامەکە و لە چارەکی چوارەم و کۆتاییدا خاڵێکی دیکە جیاوازییەکەیان بەرزکردەوە و بە جیاوازی 22 خاڵ لە چین-یان بردەوە.
