كازم ساهر هونەرمەندی دیاری عێراقی، گۆرانییەك بە هەردوو زمانی كوردی و عەرەبی بڵاودەكاتەوە و شاعیرێكی كورد تێكستی بۆ ئەو گۆرانیبێژە نووسیوە.
لە لێدوانێكدا بۆ تۆڕی میدیایی ئێستا، ئەحمەد محەمەدی شاعیر ئاشكرایكرد، پڕۆژەیەكی هونەریی لەگەڵ هونەرمەندی گۆرانیبێژ كازم ساهردا هەیە و بەمزووانە بڵاودەكرێتەوە.
وتیشی، “پڕۆژەكە بریتییە لە گۆرانییەك كە نیوەی كوردییە و نیوەكەی دیكەی عەرەبی، تێكستی بەشە كوردییەكەی من نووسیومە و كۆمپانیای ئاسیا سێڵ بەرهەمیدەهێنێت و گرێبەستی كارەكەمان واژووكرد”.
لەبارەی ژانری گۆرانییەكەوە، ئەحمەد محەمەدی شاعیر ڕایگەیاند، بەهۆی گرێبەستی نێوانیانەوە ناتوانێت وردەكاریی زیاتری گۆرانییەكەی ساهر بدركێنێت و لە ماوەی نزیكی داهاتوودا زانیاریی زیاتر ئاشكرادەكرێن.
