بەیانی ئەمڕۆ لە وڵاتی ئوردن پیاوێک ئاگری لەماڵەکەی بەردا و بەهۆیەوە سێ منداڵیی گیانیان لەدەستدا.
بەپێی ئاژانسی هەواڵی ئوردن، “بەیانی ئەمڕۆ لەیەکێک لە ناوچەکانی ئوردن پیاوێک ئاگری لەماڵەکەی بەرداوە و بەهۆیەوە خۆی و هاوسەرەکەی برینداربوون و سێ منداڵیشی گیانیان لەدەستداوە”.
بەوتەی پۆلیسی ئوردن،” ڕووداوەکە بەهۆی کێشەی خێزانییەوە ڕوویداوە، دوای ڕووداوەکە ژن و پیاوەکە گەیەندراوەنەتە نەخۆشخانە، بەڵام دۆخی تەندروستی ژنەکە ناجێگیرە”.
ئاشکراشیکرد، “لێکۆڵینەوەکان لە وردەکاری ڕووداوەکە دەستیپێکردووە و تیمەکانی بەڵگەی تاوان بەڵگەکانی شوێنی ڕووداوەکەیان کۆکردووەتەوە”.
