ئەگەر لەپڕێكدا واز لە خواردنی شەكر بهێنیت، گۆڕانكارییەكی گەورە بەسەر جەستەتدا دێت، بەڵام ئایا لایەنی نەرێنیی هەیە؟
پسپۆڕانی خۆراك وەڵامی ئەم پرسیارە دەدەنەوە و دەڵێن، ئەگەر دەتەوێت كێشی لەشت داببەزێنیت، ئەوا پێویستە دەستبەجێ و بە یەكجاری واز لە خواردنی شەكر بهێنیت.
دكتۆر یلینا تیخومیروڤا پسپۆڕی خۆراكناسی ڕایگەیاند، لەپڕ وازهێنان لە شەكر، كاریگەریی خراپی لەسەر جەستەی مرۆڤ نابێت و ئەگەر كەسێك بە مەبەستی دابەزینی كێشی جەستەی وازی لە خواردنی شەكر و شیرینی هێنا، بە هیچ شێوەیەك دووچاری لێكەوتەی نەرێنی نابێت و بە پێچەوانەوە كێشی خێرا دادەبەزێت.
بەپێی وتەی پسپۆڕەكە، وازهێنانی كتوپڕ و یەكجارەكی لە خواردنی شەكر هاوشێوەی وازهێنان لە كحول و ماددەی هۆشبەر جەستە ناخاتە شڵەژانەوە، لەگەڵ ئەوەشدا كەسێك كە بۆ دابەزاندنی كێشی جەستەی دەستبەرداری شەكر دەبێت، دەتوانێت بە یەكجاری لە شیرینی دانەبڕێت و ئەو جۆرانە بخوات كە جێگرەوەی شەكریان تیادا بەكارهێنراوە و جەستە نایانمژێت.
