تیرۆریستان لە خورماتوو چییانكردووە؟

لە سێ حەشارگەدا لە سنووری خورماتوو، تیرۆریستان چەندین بۆمب و گولـلەی هاوەن و تەقەمەنییان شاردبۆوە و هێزە ئەمنییەكان وردەكارییەكەی ئاشكرادەكەن.

شانەی ڕاگەیاندنی ئەمنیی عێراق بڵاویكردەوە، سێ حەشارگەی تیرۆریستانی داعش لە خۆرئاوای خورماتوو دۆزرانەوە كە چەندین كەرەستە و پارچە تەقەمەنییان تیادابوون.

بەپێی ڕاگەیەندراوی شانەی ڕاگەیاندنی ئەمنی، دوو حەشارگە لە ناوچەی زەرگەی خۆرئاوای قەزای خورماتوو دۆزراونەتەوە و تیرۆریستان چوار بۆمبی جۆراوجۆر و چەندین پارچە تەقەمەنیی دیكەیان تیادا حەشاردابوون.

شانەی ڕاگەیاندنی ئەمنی دەڵێت، حەشارگەیەكی دیكەی تیرۆرستان لە ناوچەكەدا دۆزراوەتەوە و ماتۆڕسكیلێك و پێنج سەكۆی هەڵدانی مووشەك و بۆمبێكی دەستكرد و چوار گولـلەی هاوەن و بڕێكی زۆر تەقەمەنیی جۆری سی فۆڕ و گولـلەی ئاڕ بی جی-ی لەخۆگرتبوو، دوای كۆكردنەوەیان، هێزە ئەمنییەكان بە شێوەی ئەندازەیی لەناویانبردوون.

بابەتی پێشتر

ئەرمینیا 0-5 ئۆکرانیا

بابەتی دواتر

عەباس فەتاح: یەكێتی دەیەوێت كۆدەنگی لەسەر دەستوور هەبێت

بابەتی پەیوەندیدار
زیاتر ببینە

ئاسایشی سلێمانی دەستگیركردنی پێنج كەسی بە تۆمەتی كوشتنی هاوڵاتییەك ڕاگەیاند

بەڕێوەبەرایەتیی ئاسایشی ڕۆژئاوای سلێمانی بڵاویكردووەتەوە، پێنج كەسیان بە تۆمەتی كوشتنی هاوڵاتییەك دەستگیركرد. بەپێی ڕاگەیەندراوێكی بەڕێوەبەرایەتیی ئاسایشی ڕۆژئاوای سلێمانی…
Total
0
Share