پسپۆڕانی خۆراك، هۆشداری لە مەترسیداریی زۆرخواردنی پێنج جۆر خواردەمەنی دەدەن و دەڵێن، تووشی جەڵتەی مەترسیدارت دەكەن.
وەك توێژینەوەیەكی زانستی ئاشكرایكردووە، ئەو خۆراكانە بریتین لە خواردەمەنیی دروستكراو، نانی سپی، خواردەمەنیی خێرا و لەقتوونراو، پەتاتەی سوورەوەكراو، لەگەڵ خواردنەوە گازییەكان، شیرینی، گۆشتی سوور و گۆشتی دەستكاریكراو، ڕۆنی گۆڕاو و كەرەی دەستكرد.
ئەنجامی توێژینەوەكە لە گۆڤاری “American Journal of Epidemiology”دا بڵاوكراوەتەوە و توێژەران دەڵێن، زۆرخواردنی ئەو جۆرانەی خۆراك و خواردەمەنی، دەبێتەهۆی كۆبوونەوەی چەوری لە خوێنبەرەكاندا، ئەنجامەكەشی بە تێپەڕبوونی كات، دروستبوونی جەڵتەی مەترسیدار دەبێت.
توێژینەوەكە مەترسیی دیكەی ئەو خواردەمەنییانەی ئاشكراكردووە و پێیوایە دەبنەهۆی هەوكردنی جەستە و تێكدانی خانەكان و بەرزەپەستانی خوێن و تەنانەت جەڵتەی ئەو خوێنبەرانەی لە قووڵایی جەستەدان.
