دانیال ئالڤێسی بەرازیلی دانی بەوەدا نا كە ئەو سەرسامە بە ڕۆناڵدۆی پورتوگالی و بە یەكێك لە یاریزانە باشەكانی مێژووی تۆپی پێی دادەنێت.
ئالڤێس چاوپێكەوتنێكی لەگەڵ ڕۆژنامەی سپۆرتی كەتەلۆنی ئەنجامداوە و لەوێ باسی لە چەند پرسێكی جیاواز كردووە.
ئالێڤس لەو چاوپێكەوتنەدا دەڵێت پێویستە ئێستا هەندێ ڕاستی هەیە لەسەر ڕۆناڵدۆ بیڵێم.
ئالڤێس ئاماژەی بەوەشدا كە ئەو ئێستا یاریزانی بەرشلۆنە نەماوە بۆیە دەتوانێت بڵێت كە ڕۆناڵدۆ نمونەیەكی گەورەیە بۆ یاریزانی پیشەگەر و یەكێكە لە باشترین یاریزانەكانی تۆپی پێ لە مێژوودا.
وتیشی: چەند جارێك لە نزیكەوە قسەم لەگەڵ كردووە و پێم ڕاگەیاندووە كە ئەو یەكێكە لە یاریزانە گرنگەكانی تۆپی پێ.
