یەكێتیی تۆپی پێی ئینگلتەرا كریستیانۆ ڕۆناڵدۆی پورتوگالی بەوە تۆمەتبار دەكات كە یاساكانی یەكێتییەكەی شكاندووە.
ڕۆناڵدۆ لە پاش یارییەكەی مانچستەر یونایتد و ئیڤەرتۆن بە توندی دەكێشێت بەدەستی منداڵێكدا كە دەیەوێت وێنەی بگرێت و مۆبایلەكەی دەخاتە سەرزەوی.
پێشتر ڕۆناڵدۆ داوای لێبوردنی لە منداڵەكە كرد و چووە پۆلیسی میرسیساید بۆ كۆتایی هێنان بە كێشەكە.
یەكێتیی تۆپی پێی ئینگلتەرا جەختی كردەوە كە ئەوەی ڕۆناڵدۆ كردی شكاندنی یاساكانی یەكێتییەكەیە و لێكۆڵینەوەی لەگەڵدا دەكرێت
ڕۆژنامەی زە سەن پێشبینی دەكات یەكێتیی تۆپی پێی ئینگلتەرا بە غەرامەكردنی ڕۆناڵدۆ یاخود سزادان، كۆتای بەم كێشەیە بهێنێت.
