سبەی لە جامی نەتەوەكانی ئەوروپا هەڵبژاردەی ئەڵمانیا لەناو یاریگای خۆی میوانداری هەڵبژاردەی هەنگاریا دەكات.
ئەڵمانیا شەش خاڵی هەیە و دووەمە و هەنگاریاش حەوت خاڵی هەیە وپێشەنگی ڕیزبەندی گرتووە.
هانز فلێك دەڵێت دەبێت هەردوو یارییەكە ببەینەوە بۆ ئەوەی پێشەنگی ریزبەندی وەربگرین.
پوختەی قسەكانی فلێك
/ تیر شتیگن سەرەكی دەبێت لە یارییەكەی سبەی، كۆرۆنا هەندێ گۆڕانكاری لە پێكهاتەكەدا كرد
/ كۆڤید زیانی زیاترە لە ئەنفلۆنزا، پێویستە پێش مۆندیال بەركەوتنمان لەگەڵ خەڵك كەمبێتەوە بۆ ئەوەی توشی ئاستەنگی نەبین.
/ هیوادارم ڕێگەو گواستنەوەی گونجاو دابنرێت بۆ پێش یارییەكان، چون بۆ یاریی بە شەمەندەفەر گونجاو نییە
/ دوو یاریی داهاتوو بۆ ئێمە زۆر گرنگە، پێویستە ئازایەتی بنوێنین بەرامبەر هەنگاریا، ئامانجمان ئەوەیە پێشەنگی ڕیزبەندی بگرین و بگەینە قۆناغی داهاتووی نەیشن لیگ
/ پشت بە هێرشبەر نابەستین بۆ گۆڵكردن و هەموو ئەوەی لە یاریگادایە دەتوانێت گۆڵ بكات، سبەی دەزانین كێ سەرەكی دەبێت.
/ كاتێك مانوێل نوێر ئامادە نابێت، كاپتنی دواتر ئەو یاریزانە دەبێت كە زۆرترین یاریی بۆ هەڵبژاردەی ئەڵمانیا كردووە.
/ هەموو یاریزانەكان ئەوپەری توانای خۆیان خەرج دەكەن تا سەرەكی یاریی بكەن، كوالیتی باش هەیە لە هەڵبژاردەكەدا
/ جمال موسیلا بژاردەیەكی بەهێزە بۆ ئێمە، ڕاهێنانی باشی كردووە و كەس هەستی بە پێكانی نەكردووە، دەتوانێت هاوكاریمان بكات.
/ دەتوانین جمال موسیلا لە چەند شوێنێك یاریی پێبكەین، دەتوانێت گۆڵ بكات، زۆر باشە لە مامەڵە كردن بە تۆپدا.
/ بە وردی سەرنجی ئاستی بەرگریكارانی یانەی بروسیا دۆرتمۆند دەكەین چونكە ئەوان لە گەشە كردندان.
