بەڕێوەبەرایەتیی هاتوچۆی هەولێر ئاشکرایکرد، ئەو شۆفێرانەی دەیانەوێت تابلۆی ئۆتۆمبێلەکانیان بگۆڕن بۆ تابلۆی باریک و زمانی ئینگلیزی دەتوانن لەئەمڕۆوە تابلۆکانیان بگۆڕن.
فازڵ حاجی وتەبێژی بەڕێوەبەرایەتیی هاتوچۆی هەولێر ڕایگەیاند، ” ئەوانەی دەیانەوێت تابلۆی ئۆتومبێلەکانیان بە ئارەزوومەندانە بگۆڕن بۆ باریک و بە زمانی ئینگلیزی ئاگاداردەکەینەوە، کە دەتوانن ئێستا گۆڕینی تابلۆکانیان لە بەڕێوەبەرایەتیی هاتوچۆ ئەنجامبدەن، لەپاش دەرهێنانی (دەفتەری خروجیە) لە گومرگی هەولێر”.
هاتوچۆی هەولێر شۆفێران ئاگاداردەکاتەوە، کە هەر شۆفێرێک بەبێ ئەو ڕێکارانە و سەربەخۆ تابلۆکەی بگۆڕێت ڕووبەڕووی سزادەبێتەوە کە بڕەکەی یەک ملیۆن دینارە.
