بنەماڵەی جووەكان لە هەرێم و عێراق ڕایدەگەیەنن، هەر لە بنەڕەتەوە بێبەریبوونی خۆمان لە ئارام عیزەت ڕاگەیاندووە و هیچ كاتێك ناوبراومان وەكو جوو نەبینیوە.
بنەماڵەی جووەكان لە هەرێم و عێراق لە ڕاگەیەندراوێكدا ئەمڕۆ سێشەممە، بڵاویانكردووەتەوە كە وێنەیەكی دەست تۆڕی میدیایی ئێستا كەوتووە و تێیدا هاتووە، ئێمە وەكو جووەكانی هەرێمی كوردستان و عێراق هەر لە بنەڕەتەوە بێبەريبوونی خۆمان لە ئارام عیزەت ڕاگەیاندووە و هیچ ئەنجومەنێك و هیچ گروپ و ڕێكخراوێك و كۆمەڵەیەكمان نەبووە تا بەڕێوەمان ببات و چالاكی ئەنجامبدەین بەناوی جووەكانەوە كە نوێنەرمان بێت یاخود سەرۆكی ئەنجومەنی باڵا.
لە ڕاگەیەندراوەكەدا هاتووە، ئارام عیزەت دایك و باوكی موسڵمانن و تەنها نەنكێكی باوكی كە دەكاتە دایكی دایكی باوكی جوو بووە كە ئەوەش هیچ پەیوەندییەكی بە شەجەرەی خێزانی جووەكان و بن جووەكانی كوردستانەوە نەبووە.
ئاماژە بۆ ئەوەشكراوە، ئایینی جوو ڕێ لە ئازادیی مرۆڤەكان ناگرێت و هەموو كەسێك ئازادە كە چ ژیانێك و چ ئایینێك هەڵدەبژێرێت.
