حکومەت بڕیارێکی نوێی لەبارەی مامۆستایان و فەرمانبەرانەوە دا

حكومەتی هەرێم بڕیاری دا بە گواستنەوەی مامۆستایان و فەرمانبەرانی خوێندنگە ئیسلامییەکان، لە وەزارەتی پەروەردەوە بۆ سەر میلاکی وەزارەتی ئەوقاف و کاروباری ئایینی.

بەپێی فەرمانێكی وەزارەتی پەروەردەی هەرێمی كوردستان، سەرجەرم مامۆستایان و فەرمانبەرانی خوێندنگە ئیسلامییەکان، ڕاژەكانیان دەگوازرێنەوە بۆ سەر میلاکی وەزارەتی ئەوقاف و کاروباری ئایینی.

نووسراوی فەرمانەكە دەڵێت، ئەو فەرمانبەر و مامۆستایانەی لە مۆڵەتدان، دوای دەستبەكاربوونەوەیان ڕاستەوخۆ دەگوازرێنەوە بۆ سەر میلاکی وەزارەتی ئەوقاف و کاروباری ئایینی.

وەزارەتی پەروەردە جەختدەكاتەوە كە “هەڵگرانی بڕوانامەی ماستەر و دكتۆرا و دیپلۆمی باڵا، كە لە وەزارەتی پەروەردە ئەم بڕوانامانەیان بەدەستهێناوە، فەرمانەكە نایانگرێتەوە و هەر لەسەر میلاكی وەزارەتی پەروەردە دەمێننەوە و ناگوازرێنەوە بۆ سەر میلاكی وەزارەتی ئەوقاف”.

ئاشكرایكردووە، ئەو مامۆستا و فەرمانبەرانەی دانانی كاتییان بۆ كراوە بۆ دەرەوەی خوێندنگەكانیان، دەبێت لە ماوەی 15 ڕۆژدا دانانی كاتییان كۆتاییبێت و بگوازرێنەوە بۆ سەر میلاكی وەزارەتی ئەوقاف و كاروباری ئایینیی هەرێمی كوردستان.

بابەتی پێشتر

لەو کاتەی بڕیاری لەسێدارەدانی بۆ دەرچوو مرد

بابەتی دواتر

هیچ یانەیەک لە فەرهەنگی مباپێ-دا نییە

بابەتی پەیوەندیدار
زیاتر ببینە

بەهای دۆلار بەرزبووەوە

ئێوارەی ئەمڕۆ لە كاتی داخستنی بازاڕی ئاڵوگۆڕی دراو، بەهای دۆلار بەرامبەر بە دینار بەرزبووەوە و 100 دۆلار بە…
Total
0
Share