ئەمڕۆ نرخی بەنزین و گاز لە سنووری پارێزگای سلێمانی دابەزینی زیاتری بەخۆیەوە بینی.
بەهمەن شێخ قادر وتەبێژی بەنزینخانەکانی سلێمانی بە تۆڕی میدیایی ئێستای راگەیاند، “لە ئەمڕۆوە نرخی سەرجەم جۆرەکانی بەنزین 25 دینار دادەبەزێت و گازی شلیش 50 دینار دادەبەزێت”.
ئاماژەی بەوەش کرد، “بەم دابەزینە نرخی بەنزینی نۆرماڵ دەبێتە 925 دینار، بەنزینی موحەسەن دەبێتە 1125 دینار و بەنزینی سۆپەریش بە 1275 دەفرۆشرێت، هاوکات نرخی گازیش بووە بە 550 دینار بۆ هەر لیترێک”.
وتیشی،”دابەشکردنی بەنزینی 690 دیناری کاریگەریی گەورەی لەسەر دابەزینی نرخی بەنزین هەبووە”.
