مەزڵوم عەبدی، فەرماندەی گشتیی هێزەکانی سوریای دیموکرات بۆ کۆچی دوایی ساڵح موسلیم، ئەندامی دەستەی سەرۆکایەتیی پەیەدە، پەیامێکی بڵاوکردەوە و ڕایدەگەیەنێت، بەردەوامدەبن لەسەر ڕێبازەکەی.
مەزڵوم عەبدی لە پەیامەکەدا ڕایگەیاندووە، بە داخ و پەژارەیەکی زۆرەوە هەواڵی کۆچی دوایی ساڵح موسلیم، ئەندامی دەستەی سەرۆکایەتیی پەیەدەمان بیست، باوکی شەهیدی وڵات و دۆستێکی نزیک و سەرکردەیەکی گەورە و سیاسەتمەدار و نیشتمانپەروەرێکی شایستەی کورد بوو.
ئاماژەی بەوەشکردووە، لە ماوەی 40 ساڵی ڕابردوودا، ڕۆڵی گەورەی لە خەباتی ئازادیخوازی گەلی کورددا هەبووە و چەندینجار لەلایەن ڕژێمی بەعسەوە دەستگیر و ئەشکەنجەدراوە، جگە لەوەش، ڕۆڵی پێشەنگی لە شۆڕشی ڕۆژئاڤا بینیوە.
