ئێوارەی ئەمڕۆ ئاگر لەناو عەلوەی سلێمانی كەوتەوە و لە چەند قاتعێكی بازاڕەكەدا پەرەیسەندووە.
ئارام عەلی، وتەبێژی بەرگریی شارستانیی سلێمانی بە تۆڕی میدیایی ئێستای ڕاگەیاند، ئاگرەكە سەرەتا دوو قاتعی گرتووەتەوە و لەئێستادا لە هەوڵی كۆنترۆڵكردنیدان.
وتیشی، “هێشتا هۆكاری سەرهەڵدانی ئاگرەكە دیارنییە”.
بەهۆی ئاگرەكەوە تائێستا چوار بارهەڵگر لە جۆری بەراد و پێنج قاتع سووتاون، وەك ئەوەی ئارام عەلی ئاماژەی پێدا.
ڕووداوەكە لەكاتێكدایە پاش نیوەڕۆی ئەمڕۆ ئاگر لە کارگەیەکی دروستکردنی فۆم لە ناوچەی تانجەرۆ کەوتەوە و پاشان بەهەوڵی تیمەكانی بەرگریی شارستانی كۆنتڕۆڵكرا.
