ماڵپەڕی شەفافییەت بۆ چاودێری و رێكخستنی داهاتە نانەوتییەكانی پارێزگاکانى سلێمانی و هەڵەبجە و هەردوو ئیدارەی راپەڕین و گەرمیان داهاتی ئەم هەفتەیەى بڵاوکردەوە.
بەپێی ماڵپەڕەکە، داهاتی ئەم هەفتەیە بڕی 10 ملیار و 607 ملیۆن و 221 هەزار و 685 دینار بووە.
داهاتەکە بەپێى ئەوەى تا دوێنێ پێنجشەممە کۆکراوەتەوە بەراورد بە هەفتەى پێشوو بە رێژەى نزیکەى 14% و بە برى 1 ملیار کەمیکردووە، داهاتى هەفتەى پێشوو نزیکەى 12.5 ملیار دینار بووە.
بەڵام هەندێک داهاتى دیکەى ئەم هەفتەیە لە رۆژانى داهاتوودا دەخرێتە ناو ماڵپەرەکە و بەمەش ئەو ژمارەیەى ئەمڕۆ راگەیەندراوە، کۆى داهاتى هەفتەکە نییە.
