لیژنەی تۆماركردنی داوای مافی گشتی لە نووسراوێكیدا داوا لە وەزارەتی گواستنەوە و گەیاندنی هەرێم دەكات كە لەبەر بەرژەوەندیی گشتیی تۆڕی كۆمەڵایەتیی تیكتۆك دابخرێت و هۆكارەكەشی ئاشكرادەكات.
بەپێی نووسراوەكە كە لە 29ی مانگی ڕابردوودا دەرچووێندراوە و تێیدا هاتووە، تۆڕی كۆمەڵایەتیی تیكتۆك كاریگەری نەرێنی لەسەر گەنجان و كۆمەڵگە دروستكردووە بۆیە داوای داخستنی لە هەرێمی كوردستان دەكرێت.
نووسراوەكە پاڵپشت بە ئەحكامی ماددەی 1ی یاسای داواكاری گشتی ژمارە 159ی ساڵی 1979ی هەمواركراو ئاراستەی وەزارەتی گواستنەوە و گەیاندن كراوە.
