کەشناسیی هەرێمی کوردستان، کەشوهەوای ئەمڕۆ و سبەینێی ناوچە جیاوازەکانی هەرێمی کوردستانی بڵاوکردەوە، بەپێی پێشبینییەکان ئەمڕۆش ئاسمان هەور و نیمچەهەور دەبێت.
بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان رایگەیاند، ئەمڕۆ شەممە ئاسمان پەڵەهەور و نیمچەهەور دەبێت، پلەکانی گەرماش نزیکدەبێت لە تۆمارکراوەکانی پێشوو.
هەروەها سبەینێ یەکشەممە، ئاسمان دەگۆڕێت بۆ ساماڵ و پلەکانی گەرما هاوشێوەی ئەمڕۆ دەبێت.
بۆ ئەمڕۆ بەرزترین پلەی گەرمە لە گەرمیان تۆمارکراوە کە 48 پلەی سەدییە، نزمترینیش لە حاجی ئۆمەرانە کە 32 پلەی سەدییە.
