دوای دۆڕاندنی سەرجەم پشتێنەکانی بە ئۆلیکساندەر یوسیکی ئۆکرانی، بڕیارە ئانتۆنی جۆشوای بۆکسێنەری بەریتانی بگەڕێتەوە و یارییەکی بەهێز ئەنجام بدات.
بەپێی ئەو زانیارییانەی ئیدی هارن، پەرەپێدەری وەرزشیی و خاوەنی کۆمپانیای ” Matchroom Sport” ئاشکرای کردووە، دوای شکستی ئانتۆنی جۆشوا بەرامبەر ئۆلیکساندەر یوسیک، بۆکسێنەرە بەریتانییەکە زۆر خەمبار بووە و لەگەڵ ڕاهێنەران و ستافەکەی هەرگیز قسەی نەکردووە.
هارن دووپاتی دەکاتەوە، لە مانگی کانوونی یەکەمی 2022 (مانگی 12) جۆشوا دەگەڕێتەوە و لە بەریتانیا یارییەکی بەهێز بەرامبەر یەکێک لە (15) باشترینەکەی ڕیزبەندیی بۆکسێن ئەنجام دەدات، جگە لە دیۆنتای وایڵدەر و ئاندی ڕویز کە ئامادەنین یاری بەرامبەر بکەن، لەلایەکی دیکەوە بەرپرسانی بۆکسێن داوایان لێکردووە لەم بارودۆخەدا ڕووبەڕووی بەهێزترینەکان نەبێتەوە.
