ڕەخنەی لە پوتین گرتووە
سەرۆكی لوك ئۆیڵ “لە پەنجەرەوە كەوتەخوارەوە” و گیانیلەدەستدا

سەرۆكی ئەنجومەنی بەڕێوەبەرەكانی كۆمپانیای لوك ئۆیڵی ڕوسی، “لە پەنجەرەی ژوورێكی نەخۆشخانەوە كەوتەخوارەوە” و گیانیلەدەستدا.

بەپێی هەواڵی ئاژانسی “تاس”ی ڕوسی، ڕاڤاییل ماگانۆڤ سەرۆكی ئەنجومەنی بەڕێوەبەرەكانی كۆمپانیای لوك ئۆیڵ كە یەكێكە لەو كۆمپانیایانەی لە كەرتی نەوتی هەرێمی كوردستان-دا كاردەكات، “لە پەنجەرەی ژوورێكی نەخۆشخانەی ناوەندیی مۆسكۆوە كەوتووەتە خوارەوە و گیانیلەدەستداوە”.

ئاژانسەكە بڵاویكردەوە، ڕووداوەكە بەیانیی ئەمڕۆ پێنجشەممە ڕوویداوە و ڕاڤاییل لە نهۆمی شەشەمی نەخۆشخانەكەوە كەوتووەتە خوارەوە.

جگە لە ئاژانسی هەواڵی “نۆڤۆستی”ی ڕوسی كە دەڵێت “پێدەچێت ڕاڤاییل خۆكوژی كردبێت”، میدیاكانی دیكەی ڕوسیا هۆكاری كەوتنەخوارەوەی سەرۆكی ئەنجومەنی بەڕێوەبەرەكانی كۆمپانیای لوك ئۆیڵ-یان بڵاونەكردووەتەوە و نازانرێت مردنەكەی خۆكوژی بووە یان هۆكاری تری لە پشتە.

پێشتر ڕاڤاییل ماگانۆڤ لە تویتەر هاوخەمیی خۆی بۆ خەڵكی ئۆكرانیا دەربڕیوە و ڕەخنەی لە ڤلادیمێر پوتین سەرۆكی وڵاتەكەی گرتووە.

بابەتی پێشتر

ئەمڕۆ بۆ بەرشلۆنە یەكلاكەرەوە دەبێت

بابەتی دواتر

دەستگیرا بەسەر نزیکەی 500 کیلۆگرام میوەی وشککراوەدا

بابەتی پەیوەندیدار
Total
0
Share