ساڵنامەی خوێندنی 2022 – 2023 ڕاگەیەندرا

وەزارەتی پەروەردەی حکومەتی هەرێمی كوردستان، خشتەی دەوام و تاقیکردنەوەکانی ساڵی خوێندنی 2022 – 2023ی بڵاوکردەوە و وادەی دەستپێكردنی ساڵی نوێی خوێندن و هەفتەكانی خوێندن و تاقیکردنەوەکانی ساڵی دیاریكردووە.

بەپێی ڕاگەیەندراوی وەزارەتی پەروەردە كە ئەمڕۆ یەکشەممە بڵاوكراوەتەوە، لە 13ی ئەیلوولدا دەوامی خوێندنگەكان دەستپێدەکات و تاقیکردنەوەکانی کۆتایی وەرزی یەکەم لە 14/12/2022 دەستپێدەکەن. لە 25/12/2022ـەوە تا 1/1/2023 پشووی وەرزی یەکەم دەبێت.

وەك وەزارەتی پەروەردە ئاشكرایكردووە، لە ڕێکەوتی 2/1/2023دا خوێندنی وەرزی دووەم دەستپێدەکات و لە 1/4/2023 تاقیکردنەوەكانی وەرزی دووەمی پۆلەکانی 9ی بنەڕەتی و 12ی ئامادەیی دەستپێدەکەن.

دەقی ساڵنامەكە ئاماژە بۆ ئەوە دەكات، لە 29/4/2023دا تاقیکردنەوەكانی کۆتایی وەرزی دووەمی پۆلە ناکۆتاکان و تاقیکردنەوەكانی خوولی یەکەمی پۆلی 9ی بنەڕەتی دەستپێدەکەن.

ئەوەش خراوەتەڕوو، لە ڕێکەوتی 23/5/2023 تا 1/6/2023 تاقیکردنەوەكانی خوولی دووەمی پۆلە ناکۆتاکان و تاقیکردنەوەكانی خوولی دووەمی پۆلی 9ی بنەڕەتی ئەنجامدەدرێن. لە 3/6/2023 تا 27/6/2023 تاقیکردنەوەكانی خوولی یەکەمی پۆلی 12ی ئامادەیی ئەنجامدەدرێن و 6/8/2023 تا 14/8/2023 تاقیکردنەوەكانی خوولی دووەمی پۆلی 12ی ئامادەیی ئەنجامدەدرێن.

بابەتی پێشتر

كەشناسی لەبارەی وشكەساڵی و بارانبارین لە زستانی ئەمساڵدا ڕوونكردنەوە دەدات

بابەتی دواتر

لە ڕووداوێكی هاتوچۆدا كەسێك برینداربوو

بابەتی پەیوەندیدار
زیاتر ببینە

قۆناغی دووه‌می هاوكارییه‌ سه‌ربازی و لۆجیستییه‌كانی ئه‌مریكا بۆ پێشمه‌رگه‌ دابه‌شده‌كرێت

بڕیاره‌ له‌سه‌ره‌تای مانگی داهاتوودا، قۆناغی دووه‌می هاوكارییه‌ سه‌ربازی و لۆجیستییه‌كانی ئه‌مریكا به‌سه‌ر چەند لیوایەكی پیشمەرگەدا دابەشبكرێت، وەك وەزارەتی…
Total
0
Share