ئەمڕۆ کوێستان ئەکرەم سەرۆکی شارەوانیی هەڵەبجە دەستلەکارکێشانەوەی لە پۆستەکەی راگەیاند و هۆکارەکەی ئاشکراکرد.
کوێستان ئەکرەم سەرۆکی شارەوانی هەڵەبجە لە کۆنفرانسێکی رۆژنامەوانیدا رایگەیاند، “من چوار ساڵی کارکردنی خۆمم وەک سەرۆکی شارەوانیی تەواوکردووە و سەروو خۆمم ئاگادارکردووەتەوە پێم خۆشە کەسێکی دیکە بێتە شوێنەکەم”.
باسی لەوەش کرد، “ماوەی دوو ساڵە چاوەڕێم سەروو خۆم کەسێک دەستنیشانبکەن، بەڵام ئەوە نەکرا و ئاڵوگۆڕ لە پۆستەکانی هەڵەبجەدا نەکرا، بۆیە دەستم لەکارکێشایەوە”.
ئاشکراشیکرد، “بەداخەوە دەیڵێم ئاستی خزمەتگوزاری و ئەو بودجەیەی بۆ شاری هەڵەبجە دابیندەکرێت، من خۆم بەشەرمەزاری یەک بە یەکی خەڵکی شاری هەڵەبجە دەزانم، کە نەمانتوانیوە خزمەتیان بکەین”.
