یانه‌کانی ڕیاڵ مه‌درید و لیڤه‌رپوڵ ده‌رگای گواستنه‌وه‌کانیان دانه‌خستووه، هه‌ردوو یانه‌که ده‌یانه‌وێت گرێبه‌ست له‌گه‌ڵ یاریزانێکی ئینگلیزی له خولی ئه‌ڵمانیا واژۆ بکه‌ن.
به‌پێی زانیارییه‌کانی تۆڕی (ESPN) ی ئه‌مریکی، له کۆتا ساته‌کانی مێرکاتۆ ڕكابه‌رییه‌كی چاوه‌ڕوانكراو له نێوان ڕیاڵ مه‌درید و لیڤه‌رپوڵ بۆ واژۆکردنی گرێبه‌ستێكی جود بیلینگهام دروست بووە، ئه‌و ڕکابه‌رییه‌ش تاوه‌کو هاوینی 2023 درێژه‌ی ده‌بێت.
ڕەنگە پەیوەندیی نێوان یۆرگن کلۆپ و بوروسیا دۆرتمۆند به سوود بۆ یانه‌ی لیڤه‌رپوڵ بگه‌ڕێته‌وه، لەگەڵ ئەوەشدا ئیدارەی ریاڵ مەدرید له دانوستاندنەکان نه‌کشاوه‌ته‌وه و هه‌موو هه‌وڵێک ده‌ده‌ن ڕێککه‌وتنی سه‌ره‌تایی له‌گه‌ڵ لاوه به‌هره‌داره‌که‌ی ئینگلته‌را بکه‌ن.
بێلینگهام تەمەنی (19) ساڵە، لە 2020 بە بڕی (25) ملیۆن یۆرۆ پەیوەندی بە یانەی دۆرتمۆندەوە کردووە، هەروەها (95) یاری لەگەڵ دۆرتمۆند ئەنجامداوە و (11) گۆڵی تۆمارکردووە و (19) گۆڵی ڕه‌خساندووه.
