دادگای کەرکوک كارەكانی ڕاگرت و بیناکەی چۆڵکرد

لە ژێر ڕێنمایی بڕیارەكەی دەسەڵاتی دادوەریی عێراق-دا كە كاری دادگاكان و دادگای فیدراڵیی ڕاگرت، ئەمڕۆ دادگای کەرکوک كارەكانی ڕاگرت و فەرمانبەرەكانی ناردەوە.

موسا كازم پەیامنێری تۆڕی میدیایی ئێستا لە كەركوك ڕایگەیاند، كەمێك لەمەوبەر دادگای کەرکوک كارەكانی ڕاگرت، فەرمانبەرەكانی ناردەوە بۆ ماڵەكانیان و بیناکەی چۆڵکرد.

هەڵوێستەكەی دادگای كەركوك، جێبەجێكردنی بڕیارێكی ئەمڕۆی دەسەڵاتی دادوەریی عێراقە، كە كاری دادگاكان و دادگای فیدراڵیی ڕاگرت و هۆكارەكەش هەڕەشە و خۆپیشاندانی لایەنگرانی سەدرە.

بەپێی ڕاگەیەندراوێكی دەسەڵاتی داوەریی عێراق، ئەمڕۆ سێشەممە لە كۆبوونەوەیەكی ئەنجومەنەكە لەگەڵ دادگای فیدراڵیدا، كە بە شێوەی ئەلیكترۆنی ئەنجامدراوە، بڕیاریانداوە كارەكانی دادگاكانی سەر بە دەسەڵاتی دادوەری و دادگای فیدراڵی ڕابگرن.

ڕاگەیەندراوەكە دەڵێت، “بەهۆی ئەو ڕەفتارە نا دەستووری و نا یاساییانەوە هەڵگرتنی بەرپرسیارێتییەكەی لە ئەستۆی حكومەتە و پێویستە ڕایانبگرێت”.

بابەتی پێشتر

دەسەڵاتی دادوەریی عێراق كاری دادگاكان و دادگای فیدراڵیی ڕاگرت

بابەتی دواتر

کەشناسی: پلەکانی گەرما نزمدەبنەوە

بابەتی پەیوەندیدار
Total
0
Share