ئیدینسۆن کاڤانی، هێرشبەری ناوداری ئۆرۆگوای و پێشووی یانەی مانچستەر یونایتد چاوەڕێی وەڵامی یانەی ڤالێنسیای ئیسپانی-یە.
ڕۆژنامەی “ئەی ئێس”ی ئیسپانی بڵاویکردووەتەوە، کە سێ هەفتە لەمەوبەر جینارۆ گاتوسۆی ڕاهێنەری یانەی ڤالێنسیا پەیوەندی بە ئیدینسۆن کاڤانی-یەوە کردووە، دوای هەفتەیەک گرێبەستیان پێشکەش کردووە و گرێبەستەکە بە دڵی هێرشبەرەکە بووە.
“هێرشبەرە سێلیستییەکە” ڕەزامەندی نیشانداوە و لە هەمان کاتدا داوای چاکسازیی دارایی کردووە، ئەوەش دەست و پێی پیتەر لیمی خاوەنی یانەی بەستووە و لە هەوڵدان یەکێک لە هێرشبەرەکانیان بفرۆشن.
ئیدارەی ڤالێنسیا سەرقاڵی دانوستاندنە بۆ فرۆشتنی مارکۆس ئەندرێ بە یانەی ڕایۆ ڤایکانۆ، ئەگەر ئەو هەنگاوە سەرکەوتوو بێت، ڕاستەوخۆ گرێبەستی کاڤانی واژۆ دەکرێت.
