کەشناسیی هەرێمی کوردستان کەشوهەوای ئەمڕۆ و سبەینێی بڵاوکردەوە، بەپێی پێشبینییەکان ئەمڕۆ و سبەینێ پلەکانی گەرما نزمدەبنەوە.
بەڕێوەبەرایەتیی گشتیی کەشناسیی هەرێمی کوردستان ڕایگەیاند، ئەمڕۆ ئاسمان لە نێوان ساماڵ و پەڵەهەور دەبێت، لە ناوچە شاخاوییەکان نیمچەهەور دەبێت، لەگەڵ ئەگەرى بەرزبوونەوەی تۆز و خۆڵێکی سووک، پلەکانی گەرماش بەراورد بە ڕۆژانی پێشوو نزمدەبنەوە.
هەروەها سبەینێ، ئاسمان بەگشتی ساماڵ و پەڵەهەور دەبێت لەگەڵ بوونی تۆز و خۆڵێکی سووک، لە کاتەکانی ئێوارە ئەگەری کەمێک زیاد بوونی هەیە بەهۆی بەرزبوونەوەی خێرایی با بۆ ماوەیەکی کەم، پلەکانی گەرما یەک بۆ دوو پلە نزمدەبنەوە.
