دژەتیرۆری عێراق كوژرانی شەش چەكداری داعشی لە زنجیرە چیای حەمرین ڕاگەیاند كە یەكێك لە چەكدارەكان سەرپەرشتیاری ویلایەتی “سەڵاحەدین” و بەرپرس بووە لە ڕفاندنی چەندین كەس.
دەزگای دژەتیرۆری عێراق لە ڕاگەیەندراوێكدا بڵاویكردووەتەوە، لە هێرشێكی ئاسمانیدا شەش چەكداری داعش لە زنجیرە چیاكانی حەمرین كوژراون كە یەكێكیان “ئەبو مریەم قەحتانی)یە و سەرپەرشتیاری ویلایەتی سەڵاحەدین بووە.
ئاماژە بەوەش كراوە، ئەبومریەم بەرپرسبووە لە ڕفاندنی چەندین كەس لە ڕێگەی بازگەی وەهمییەوە لە ناوچەكانی سەر بە چیای حەمرین.
