سەرۆک وەزیرانی فینلەندا ئاشکرایکرد، پشکنینی بەکارهێنانی ماددەی هۆشبەری ئەنجامداوە، ئەوەش دوای ئەوەی ڤیدیۆی بەشداریکردنی لە ئاهەنگێکدا بڵاوبووەوە کە لەگەڵ هاوڕێکانی سەما دەکات.
سانا مارین سەرۆک وەزیرانی فینلەندا دەڵێت، ئەو داوایانەی ئاراستەی کراوە بۆ ئەنجامدانی پشکنینی ماددەی هۆشبەر “دادپەروەرانە نییە”، بەڵام ئەو پشکنینەی ئەنجامداوە.
لە دوو ڕۆژی ڕابردوودا ڤیدیۆیەکی سەرۆک وەزیرانی فینلەندا بڵاوبووەوە کە لەگەڵ هاوڕێکانیدا لە ئاهەنگێکدا سەما دەکات، ڤیدیۆکە لە تۆرە کۆمەڵایەتییەکان بەشێوەیەکی بەرچاو بڵاوبووەوە و هاوڵاتییانی وڵاتەکەی داوایان لێکرد پشکنین بکات بۆئەوەی بزانرێت ماددەی هۆشبەری بەکارنەهێناوە.
مارین دەڵێت، تەنها کحولم خواردووەتەوە و ئاهەنگەکە هاوڕێیانە بووە، هیچ ماددەیەکی هۆشبەرم بەکارنەهێناوە.
سانا مارین لە ساڵی 2019دا بووبە سەرۆک وەزیرانی وڵاتەکەی و ئێستا تەمەنی 36 ساڵە، لەکاتی بوونی بە سەرۆک ڕایگەیاند، لە پاڵ سەرۆک وەزیرانی پارێزگاری لە ژیانی تایبەتیشی دەکات.
Se hace viral video de la primera ministra de Finlandia, Sanna Marin, festejando, mientras al fondo se escuchan cometarios pidiendo “¡cocaína!” …así las modas que impone Zelenski en Europa… “Valores Europeos” diría Úrsula Von der Leyen. ✌️😌 pic.twitter.com/eSCdddD9hW
— DΛVID ® (@DAVlDqva) August 18, 2022
