ئەنفلۆنزای تەماتە بڵاوبووەوە و 80 منداڵ تووشبوون

لە هیندستان ئەنفلۆنزای تەماتە بڵاوبووەوە و تاوەكو ئێستا نزیكەی 80 منداڵ تووشبوون و لە ژێر چاودێریی وردی پزیشكیدان.
ئاماژە بەوەشكراوە، هەر منداڵێك تووشی ئەنفلۆنزای تەماتە دەبێت پەڵەی سوور لە جەستەی دەردەكەوێت و تووشبووەكە دووچاری ئازار دەكات.
لێكۆڵینەوە پزیشكییەكانی ئەو وڵاتە ئاشكرایانكردووە، ئەنفلۆنزای تەماتە بە خێرایی دەگوازرێتەوە و یەكێكە لە نەخۆشییە درمەكان.
ئەم ئەنفلۆنزایە زۆربەی جار تووشی منداڵانی تەمەن 1-9 ساڵان دەبێت. بەڵام لە پێگەیشتوواندا دەگمەنە، بەوپێیەی بەهێزیی سیستمی بەرگریی جەستەیان ڕێگردەبێت لە تووشبوونیان.
تووشبووی ئەم نەخۆشییە پلەی گەرمیی جەستەی بەرزدەبێتەوە، زۆربەی جاریش سوورێژە، ئاوڵە و وشكبوونەوەی پێستی لەگەڵدایە لەگەڵ دەركەوتنی زیپكە و لیری سوور بەسەر شوێنە جیاجیاكانی جەستەوە.
بەهۆی بازنەییبوونی لیرەكان و ڕەنگی سووریانەوە، ئەم حاڵەتە تەندروستییە ناوی “ئەنفلۆنزای تەماتە”ـی وەرگرتووە بەبێ ئەوەی پەیوەندییەكی ڕاستەوخۆی بە تەماتە یاخود خواردنی تەماتەوە هەبێت.

ئەم ئەنفلۆنزایە بە درم دادەنرێت، واتە دەگوێزرێتەوە و پێویستە تووشبووانی داببڕێندرێن، تاكو ئەوانی دیكە تووش نەكەن.

بابەتی پێشتر

هێڵەكانی ئینتەرنێت ڕادەگیرێن

بابەتی دواتر

نەتەوە یەكگرتووەكان: پێویستە لایەنەكان لە پێناو بەرژەوەندیی عێراقدا گفتوگۆ بكەن

بابەتی پەیوەندیدار
زیاتر ببینە

نرخی نەوت دابەزی

نرخی نەوت بە بەراورد بە دوێنێ پێنجشەممە لە بازاڕەكانی جیهان دابەزینی بەخۆوە بینی و یەك بەرمیل نەوتی خاوی…
Total
0
Share