وتەبێژی بەڕێوەبەرایەتیی گشتیی تەندروستیی سلێمانی ڕایدەگەیەنێـت، یەكێك لەو دوو ژنەی شەوی ڕابردوو گەیەندرایە بەشی فریاكەوتنی نەخۆشخانەی سلێمانی بەهۆی زۆری ڕێژەی سووتاوییەكەیەوە گیانیلەدەستدا.
شەوی ڕابردوو لە گەڕەكی خەبات لە شاری سلێمانی دوو ژن ویستوویانە بە دەبە ئاو بكەنە موبەڕیدەكەیانەوە، بەڵام بەنزین بووە و بەهۆیەوە گڕیگرتووە و سووتاون.
سامان شێخ لەتیف وتەبێژی بەڕێوەبەرایەتیی گشتیی فەرمانگەی تەندروستیی سلێمانی بڵاویكردووەتەوە، كاتژمێر 8:40 خولەكی بەیانی ئەمڕۆ هەینی، یەكێك لەو دوو ژنە بەهۆی زۆری ڕێژەی سووتاوییەكەیەوە گیانیلەدەستدا.
