توركیا خاڵێكی سەربازيی دیكەی لە سنووری قەزای ئامێدی جێگیركرد و ماوەی چەند ڕۆژێكە بەردەوام بۆردومانی سنووری چیای مەتین دەكات.
پەیامنێری تۆڕی میدیایی ئێستا لە دهۆك گواستیەوە، توركیا خاڵێكی سەربازيی دیكەی لە زنجیرە چیای مەتین لەنێوان گوندی سگێرێ و سەرگەلی لە قەزای ئامێدی جێگیركرد.
ئاماژەی بەوەش كرد، توركیا ماوەی چەند ڕۆژێكە بۆردومانی دەوروبەری گوندی سەرگەڵێ و سگێرێ لە بناری چیای مەتین دەستپێكردووەتەوە.
بەپێی زانیاریەكان لە سەرەتای ئۆپەراسیونی (چنگ-قفڵ)ی سوپای توركیا بۆ سەر هەرێمی كوردستان، سوپای توركیا هەشت خاڵی سەربازیی نوێی لە ناوچە جیاوازەكانی قەزای ئامێدی جێگیركردووە.
