بەیانیی ئەمڕۆ پێنجشەممە تەقینەوەیەك لە سنووری قەزای خورماتوو ڕوویدا و دوو چەكدار برینداربوون.
بەپێی زانیارییەكان، تەقینەوەكە لە ڕێگەی بۆمبی چێندراوەوە كراوە و بە چەكدارانی حەشدی شەعبیدا تەقیوەتەوە كە لە سنوورەكەدا بڵاوبوونەتەوە.
سەرچاوەیەكی ئەمنی لە قەزای خورماتوو ڕایگەیاند، بەهۆی تەقینەوەكەوە دوو چەكداری هێزەكانی حەشدی شەعبی برینداربوون و گواستراونەتەوە بۆ نەخۆشخانەی گشتیی خورماتوو.
بەشێك لە پاشماوەی چەكدارانی داعش لە باشووری خۆرهەڵات و خۆرئاوای خورماتوو خۆیان حەشارداوە و ناوبەناو كردەوەی تیرۆریستییانە لە سنوورەكە ئەنجامدەدەن.
