ئیدارەی یانەی پاریس سانجێرمان پاش یارییەكەی مۆنتیپیلییە ڕەخنەی توندی ئاڕاستەی هەردوو یاریزان نێیمار و مباپی كردووە.
ڕۆژنامەكانی فەرەنسا جەخت لەوە دەكەنەوە كە كریستۆڤ گالیتێی ڕاهێنەر و لویس كامپۆس بەڕێوەبەری وەرزشی یانەكە لە پاش یارییەكەی مۆنتیپیلییە هەردوو یاریزانەكەیان ڕووبەڕوو كردۆتەوە.
باس لەوەشكراوە كە مباپی و نێیمار كۆك بوون لەسەر كۆتایی هێنان بە كێشەكانی نێوانیان و چارەسەركردنی دۆخەكە.
لویس كامپۆس بە یاریزانەكانی وتووە كە هەر كێشەیەك هەبوو پێویستە لەژووری خۆگۆڕین چارەسەر بكرێت نەك لەبەردەم كامێراكاندا.ز
كێشەی نێوان مباپی و نێیمار لەسەر لێدانی سزای دووەم لە یارییەكەی مۆنتیپیلییە دروستبوو كە مباپی ویستی ئەویش خۆی جێبەجێی بكات بەڵام نێیمار نەیهێشت.
