میدیا عێراقییەکان بڵاویانکردەوە، ئەمڕۆ هادی عامری سەرۆکی هاوپەیمانیی فەتح سەردانی هەرێمی کوردستان دەکات بۆ کۆبوونەوە لەگەڵ لایەنە کوردییەکانی.
بەپێی ئەو سەرچاوە عێراقییانە، سەردانەکەی هادی عامری ئەمڕۆ دەستپێدەکات و سەرەتا دەچێتە هەولێر و دواتریش سەردانی سلێمانی دەکات.
ئاماژەیان بەوەکردووە، “سەردانەکەی عامری بەمەبەستی دەستپێشخەرییەکە بۆ بانگهێشتکردنی سەرجەم لایەنە سیاسییەکان بۆ سەر مێزی گفتوگۆ، گفتوگۆکانیش جەختتکردنەوە دەبێت لە پێكهێنانی حکومەتی نوێ و تاوتوێکردنی بابەتی هەڵبژاردنی پیشوەخت”.
پێشتر هادی عامری بۆ هەمان مەبەست لەگەڵ سەرۆکی هاوپەیمانیی عەزم و محەمەد حەلبوسی سەرۆکی ئەنجومەنی نوێنەرانی عێراق کۆبووەوە.
