تایسن فیوریی پاڵەوانی بۆکسێنی پێشووی جیهان بۆ کێشی سەرو قورس، بە فەرمی وازهێنانی لە بواری بۆکسێن ڕاگەیاند.
تایسن فیوری لە مانگی نیسانی ڕابردوو دوایین ڕووبەڕووبوونەوەی خۆی بەرامبەر دیلیان وایت ئەنجامدا، لە گەڕی شەشەمدا بە لێدانی کوشندە بردنەوەی بەدەستهێنا، سێ ڕۆژیش لەمەوبەر بڕیاریدا بگەڕێتەوە و بەرامبەر دێریک چیسۆرای هاونیشتمانی یاری بکات.
فیوری یادی لەدایکبوونی (34)ی کردەوە و لە تۆڕی کۆمەڵایەتی تویتەر پۆستێکی کرد، تێیدا هاتووە، “سوپاس بۆ هەر کەسێک لە کاروانی وەرزشیمدا هاوکار و پاڵپشت بووە، دوای بیرکردنەوە و گفتوگۆیەکی درێژخایەن، بڕیارمدا دووربکەومەوە، لە یادی لەدایکبوونمدا ماڵئاواییتان لێدەکەم.”
MASSIVE THANKS TO EVERYONE WHO HAD AN INPUT IN MY CAREER OVER THE YEARS & AFTER LONG HARD CONVERSATIONS IV FINALY DECIDED TO WALK AWAY & ON MY 34th BIRTHDAY I SAY Bon voyage. HEARS A FEW WHO MADE IS SPECIAL ALONG THE WAY… pic.twitter.com/jNeF1CbBqm
— TYSON FURY (@Tyson_Fury) August 12, 2022
چاوەڕوان دەکرا فیوری دوایین دابەزین لە مێژوویدا بەرامبەر ئانتۆنی جۆشوای هاونیشتمانی ئەنجام بدات، بەڵام ئەو ڕووبەڕووبوونەوەیە مەحاڵە ڕووبدات.
“جیپسی کینگ” لە تەمەنی وەرزشیدا 32 بردنەوەی تۆمار کردووە، 23 بردنەوەی بە لێدانی کوشندە بووە و هیچ دۆڕاندنێکی نەبووە، لاوازترین خاڵی ژیانی یەکسانبوون بوو بەرامبەر دیۆنتای وایڵدەر لە ساڵی 2018.
