یانەی ناپۆلیی ئیتاڵی سەرکەوتوو بووە لە یەکلاییکردنەوەی گرێبەستی جیۆڤانی سیمیۆنی و تانگوی ندۆمبێلی.
بەپێی زانیارییەکانی فابریزیۆ ڕۆمانۆی ڕۆژنامەنووس و شارەزای بواری گواستنەوەکان، ئیدارەی یانەی ناپۆلی سەرکەوتوو بوون لە دانوستاندنەکانیان بۆ گواستنەوەی جیۆڤانی سیمیۆنیی هێرشبەری یانەی هیلاس ڤیرۆنا.
گرێبەستەکە بە تێچووی 3.5 ملیۆن یورۆ واژۆ دەکرێت، تەنها وردەکارییە یاساییەکان لە نێوان ناپۆلی و هیلاس ڤیرۆنا ماوە.
#Calciomercato | @sscnapoli, è fatta per #Simeone dall’@HellasVeronaFC https://t.co/QBRlcg2iCn
— Gianluca Di Marzio (@DiMarzio) August 12, 2022
لەلایەکی دیکەوە ئاوریلیۆ دی لاورێنتس نزیکبووەتەوە لە ڕێککەوتن بۆ گواستنەوەی تانگوی ندۆمبێلی بە خواستن لە یانەی تۆتنهامەوە، هەروەها کیلۆر ناڤانس لە یانەی پاریس سان جێرمانەوە.
ڕۆمانۆ ئاشکرای کردووە، لەم نزیکانەدا فابیان ڕویزی ناوەندکاری ئیسپانی لە ناپۆلییەوە پەیوەندی بە پاریس سان جێرمانەوە دەکات، ئەم گواستنەوەیەش دەرگا بەڕووی ناڤاس و ندۆمبێلی-دا دەکاتەوە تاوەکو درێسی شینی ئاسمانی لە خولی ئیتاڵیا بپۆشن.
