وەزیری دەرەوەی چین ڕایدەگەیەنێت، سەردانەكەی نانسی پیلۆسی سەرۆكی ئەنجومەنی نوێنەرانی ئەمریكا بۆ تایوان تەنها ئامانجی نانەوەی پشێوییە لە ناوچەكە و دەشڵێت، “ئەركی چینە بەپێی بنەماكانی پەیماننامەی نەتەوە یەكگرتووەكان پارێزگاری لە ناوچەكە بكات”.
وانگ یی وەزیری دەرەوەی چین ڕایگەیاند، سەردانەكەی نانسی پیلۆسی سەرۆكی ئەنجومەنی نوێنەرانی ئەمریكا بۆ تایوان تەنها ئامانجی چاندنی ڕق و كینە و دروستكردنی دڵەڕاوكێیە لە تایوان و ناوچەكە.
وەزیری دەرەوەی چین ئامادەیی وڵاتەكەشی پیشاندا بۆ كاركردن لەگەڵ وڵاتانی دۆستدا لە پێناو پاراستنی ناوچەكە لە هەڕەشە و مەترسییەكان.
ئاماژەی بەوەشكرد، “تایوان بەشێكە لە چین و ڕێگا نادەن سەقامگیریی ناوچەكە تێكبدرێـت”.
